நீங்கள் தேடியது "கிரேக் சேப்பல்"

ஆஸ்திரேலியா அணியின் டெஸ்ட் கேப்டன் ஸ்மித், துணைக் கேப்டன் வார்னர் ஆகியோர் பந்தை சேதப்படுத்திய விவகாரத்தில் ஓராண்டு தடைபெற்றனர். இதனால் ஒரே நேரத்தில் கேப்டன் மற்றும் துணைக் கேப்டன் பதவி காலியாக இருந்தது. கேப்டன் பதவிக்கு உடனடியாக விக்கெட் கீப்பர் டிம் பெய்ன் நியமிக்கப்பட்டார்.

ஆனால் துணைக்கேப்டன் பதவிக்கு இன்னும் யாரும் நியமிக்கப்படவில்லை. ஆஸ்திரேலியா அணி விரைவில் பாகிஸ்தானுக்கு எதிராக டெஸ்ட் போட்டியில் விளையாட இருக்கிறது. இந்த தொடர் ஐக்கிய அரபு எமிரேட்ஸில் நடக்கிறது.



இந்த தொடருக்கு கட்டாயம் துணைக் கேப்டன் தேவை. தற்போது ஆஸ்திரேலியா அணியின் முன்னணி வீரர்களாக மிட்செல் ஸ்டார்க், நாதன் லயன், ஹசில்வுட் மற்றும் மிட்செல் மார்ஷ் ஆகியோரில் ஒருவருக்கு துணைக் கேப்டன் பதவி கிடைக்கும் என எதிர்பார்க்கப்படுகிறது.

இந்நிலையில் ஆஸ்திரேலியா தேர்வுக்குழு உறுப்பினராக கிரேக் சேப்பல் மிட்செல் மார்ஷ் துணைக் கேப்டனாக அதிக சாத்தியக்கூறுகள் உள்ளதாக தெரிவித்துள்ளார்.



மிட்செல் மார்ஷ் வெஸ்டன் ஆஸ்திரேலியா அணியின் துணைக் கேப்டனாக நியமிக்கப்பட்டுள்ளார். அத்துடன் ஆஸ்திரேலியா ‘ஏ’ அணி இந்தியா வந்து விளையாடுகிறது. அப்போது அந்த அணிக்கு கேப்டனாக பணியாற்ற இருக்கிறார்.



அதேவேளையில் ஹசிலவுட் 40 டெஸ்ட் போட்டியில் விளையாடியுள்ளார். துணைக் கேப்டன் பதவியில் ஆர்வம் இருப்பதாகவும் தெரிவித்துள்ளார். அதேபோல் நாதன் லயனும், மிட்செல் ஸ்டார்க்கும் இந்த போட்டியில் இணைந்துள்ளனர்.

ஆஸ்திரேலியாவின் முன்னாள் கிரிக்கெட் வீரர் கிரேக் சேப்பல். தலைசிறந்த கிரிக்கெட் விமர்சகரான இவர், இந்திய அணியின் தலைமை பயிற்சியாளராக இருந்துள்ளார். இவருக்கும் இந்திய அணியின் மூத்த வீரர்களுக்கும் இடையில் பிரச்சனை உருவானதால் தலைமை பயிற்சியில் இருந்து நீக்கப்பட்டார்.

டோனி தலைமையிலான இந்திய அணி 2007-ம் ஆண்டு டி20 உலகக்கோப்பையை வென்றது. அப்போது இந்திய அணியில் இடம்பிடித்திருந்த வீரர்கள் கையெழுத்திட்ட பேட் ஒன்று கிரேக் சேப்பலுக்கு பரிசாக வழங்கப்பட்டது. அந்த பேட்டை தனது தொண்டு நிறுவனத்திற்காக தற்போது விற்பனை செய்ய இருக்கிறார்.



இதை கிரேக் சேப்பல் உறுதிப்படுத்தியுள்ளார். இதுகுறித்து அவர் கூறுகையில் ‘‘சிட்னியில் வசித்து வரும் 400-க்கும் மேற்பட்டவர்கள் மே 24-ந்தேதி சிட்னி மைதானத்தில் நடைபெறும் டின்னரில் கலந்து கொள்வார்கள். இதில் 30 பேர் ஆஸ்திரேலிய வாழ் இந்தியர்கள். ஒவ்வொருவருக்கும் தலா 275 டாலர்கள் நுழைவுத் தொகையாக வசூலிக்கப்பட இருக்கிறது. இந்த டின்னர் நிகழ்ச்சியின்போது இந்திய வீரர்கள் கையெழுத்திட்ட பேட் ஏலத்தில் விடப்படும்’’ என்றார்.

ஆஸ்திரேலியாவில் வீடுகள் இன்றி வாழ்பவர்கள் மறுவாழ்விற்காக கிரேக் சேப்பல் தொண்டு நிறுவனம் ஒன்றை நடத்தி வருகிறார். இதற்கு பணம் திரட்டுவதற்கான இந்த ஏற்பட்டை செய்துள்ளார்.